Braziliyada diqqətlər Ali Məhkəmədə: Bolsonaronun hökmü ləğv oluna bilər
Braziliyanın Federal Ali Məhkəməsi prezident seçkilərindən sonra ölkənin keçmiş prezidenti Jair Bolsonaro barəsində çıxarılan hökmün ləğvi məsələsinə baxacaq.
Bu barədə Folha de S.Paulo qəzeti məlumat yayıb.
Nəşrin məlumatına görə, müdafiə tərəfinin vəsatətinin səsvermədən sonra məhkəmənin tam tərkibinin baxışına təqdim edilməsi planlaşdırılır.
Bolsonaro 2022-ci il seçkilərində məğlubiyyətindən sonra dövlət çevrilişinə cəhd və silahlı üsyan ittihamları ilə 27 il müddətinə azadlıqdan məhrum edilib. Daha sonra səhhəti ilə əlaqədar onun həbs cəzası ev dustaqlığı ilə əvəzlənib.
Qəzet qeyd edir ki, hökmün mümkün ləğvi ilə bağlı müzakirələr keçmiş dövlət başçısının oğlu Flávio Bolsonaronun iştirak etdiyi prezident seçkiləri kampaniyası fonunda aparılır.
Flávio Bolsonaro seçkilərin birinci turunda 47,03% səs toplayaraq ikinci tura yüksəlib. O, ikinci turda hazırkı prezident Luiz Inácio Lula da Silva ilə qarşılaşacaq.
