Karolin Levittin yerinə o gəldi – Trampın seçdiyi Keti Zakaria bu gün işə başlayır - FOTO
ABŞ Prezidenti Donald Tramp Ağ Evin yeni mətbuat katibi Keti Zakarianın vəzifəsinin icrasına başlayacağı tarixi açıqlayıb.
Avqust ayında vəzifəsindən ayrılan Karolin Levitti əvəz edən Keti Zakaria 12 oktyabr – ABŞ-da Kolumb Günü kimi qeyd olunan tarixdə işə başlayacaq.
Yeni mətbuat katibinin 13 oktyabr, çərşənbə axşamı, yerli vaxtla saat 09:30-da Ağ Evin Mətbuat Brifinq Zalında ilk mətbuat konfransını keçirəcəyi bildirilib.
Tramp Zakarianın uzun müddətdir onu dəstəklədiyini qeyd edərək, yeni vəzifəsində uğurlu olacağına əminliyini ifadə edib.
Keti Zakaria kimdir?
Hüquqşünas və siyasi şərhçi olan Keti Zakaria əvvəllər ABŞ Daxili Təhlükəsizlik Nazirliyində mətbuat nümayəndəsi kimi çalışıb. O, daha sonra “Truth Social” platformasının da daxil olduğu Trump Media & Technology Group-da baş kommunikasiya müşaviri vəzifəsini icra edib.
Zakaria həmçinin “Fox News” və “Newsmax” kimi televiziya kanallarında siyasi şərhçi kimi çıxışları ilə tanınır.
