Tramp Ukraynada hakimiyyət dəyişikliyi istəyir: “Yeni lider seçilməlidir”
ABŞ Prezidenti Donald Tramp Ukraynada prezident seçkilərinin keçirilməli olduğunu yenidən bildirib.
Ağ Evin jurnalist hovuzunun nümayəndələri ilə söhbəti zamanı Tramp Ukraynanın yeni liderə ehtiyacı olduğunu düşündüyünü deyib.
“Düşünürəm ki, o, seçkilər keçirməlidir. Bu məsələni dəfələrlə həll edə bilərdi və indi seçkilər keçirməlidir”, – Tramp Ukrayna Prezidenti Volodimir Zelenskini nəzərdə tutaraq bildirib.
ABŞ lideri, həmçinin Zelenskinin Rusiya ilə müharibənin başa çatması üçün daha əvvəl razılaşma əldə edə biləcəyini iddia edib.
“Zelenski bu müharibəni dayandıra və dəfələrlə sülh razılaşması bağlaya bilərdi”, – Tramp deyib.
Tramp bundan əvvəl də Ukrayna rəhbərliyini tənqid edərək ölkədə yeni prezidentin seçilməsinin vaxtının çatdığını bildirmişdi.
