“Onu heç kim tanımır” – Tramp Nobel laureatı Navi Pillay barədə danışdı
ABŞ Prezidenti Donald Tramp 2026-cı il Nobel Sülh Mükafatının BMT-nin insan hüquqları üzrə keçmiş ali komissarı Navi Pillaya verilməsinə münasibət bildirib.
Tramp Nyu-York ştatının Sirakuz şəhərində keçirilən mitinqdə çıxışı zamanı Pillay haqqında əvvəllər eşitmədiyini deyib.
“Nobel Sülh Mükafatını şəxsən mənim heç vaxt eşitmədiyim birinə verdilər. Ümumiyyətlə, onu heç kim tanımır. O, müəmmalı bir şəxsdir”, – Tramp bildirib.
ABŞ Prezidenti daha sonra Nobel Sülh Mükafatına özünün daha çox layiq olduğunu düşündüyünü vurğulayıb.
“Bir müharibəni dayandırırsansa, sənə Nobel Sülh Mükafatı verirlər. Mən isə səkkiz müharibəni dayandırmışam”, – Tramp deyib.
O, hətta öz hesablamasına görə dayandırdığı hər bir münaqişəyə görə səkkiz Nobel Sülh Mükafatına iddia edə biləcəyini söyləyib.
Tramp mükafatın “BMT-dən olan liberala” verildiyini deyərək Navi Pillayı təbrik edib, lakin mükafatın özünə və ABŞ-yə təqdim edilməli olduğunu bildirib.
ABŞ lideri çıxışının sonunda Nobel Sülh Mükafatını müəyyənləşdirən Norveç Nobel Komitəsinin üzvlərini də sərt şəkildə tənqid edərək onları “sivilizasiyanın düşmənləri” adlandırıb.
Qeyd edək ki, 85 yaşlı cənubi afrikalı hüquqşünas Navi Pillay 2026-cı il Nobel Sülh Mükafatına beynəlxalq hüququn və sülhün təşviqi istiqamətində fəaliyyətinə görə layiq görülüb.
