“Türkiyəni sevirəm” – Tramp Ərdoğanla münasibətlərindən danışdı
ABŞ Prezidenti Donald Tramp Türkiyəni sevdiyini və türkiyəli həmkarı Rəcəb Tayyib Ərdoğanı hər zaman sevindirəcəyini bildirib.
“Mən Türkiyəni sevirəm. Prezident Ərdoğan mənim dostumdur və mən onu hər zaman məmnun edəcəyəm”, – deyə Ağ Ev rəhbəri bildirib.
Bu arada, Türkiyə hökumətindəki mənbənin məlumatına görə, Ankara ABŞ-dan F-16 qırıcılarının tədarükü ilə bağlı konkret addımlar gözləyir.
Sentyabr ayında iki ölkə arasında F-16 qırıcılarının alınması və modernləşdirilməsi ilə bağlı danışıqlar bərpa olunub.
Tərəflər Türkiyənin 40 ədəd yeni F-16 Block 70 qırıcısı alması, eləcə də ölkənin mövcud döyüş təyyarələrinin modernləşdirilməsi imkanlarını müzakirə edirlər.
