Hollivudda nadir mənzərə: Tobey Maguire keçmiş həyat yoldaşını özü evləndirdi - FOTO
Hollivud ulduzu Tobey Maguire keçmiş həyat yoldaşı Jennifer Meyerin yeni toyunda qeyri-adi rol üstlənib.
49 yaşlı zərgərlik dizayneri Jennifer Meyer 34 yaşlı musiqi meneceri Geoff Ogunlesi ilə Havayda evlənib. Mərasimin ən diqqətçəkən anlarından biri isə Meyerin keçmiş həyat yoldaşı Tobey Maguirenin cütlüyün nikah mərasimini idarə etməsi olub.
Toydan yayılan görüntülərdə Maguirenin əlində mərasim mətnini tutaraq çıxış etdiyi, yeni evlənən cütlüyün isə qonaqlar qarşısında bir-birini öpdüyü görünür.
Mərasimə Leonardo DiCaprio və sevgilisi Vittoria Ceretti, Jeff Bezos və həyat yoldaşı Lauren Sánchez, Courteney Cox, Kate Hudson və Rachel Zoe kimi məşhur simalar da qatılıb.
Maguire və Meyerin nikahından doğulan 19 yaşlı Ruby və 17 yaşlı Otis də mərasimdə iştirak edib. Meyer və Ogunlesinin bu il dünyaya gələn qızları da toyda olub.
Tobey Maguire və Jennifer Meyer 2007-ci ildə evlənib, 2016-cı ildə ayrılıblar. Meyer 2020-ci ildə boşanma üçün müraciət edib və onların nikahı 2026-cı ilin sentyabrında rəsmən başa çatıb.
Ayrılıqlarına baxmayaraq, keçmiş cütlük yaxın münasibətlərini və dostluqlarını qoruyub. Meyer daha əvvəl Maguireni ailəsinin bir hissəsi və “qardaş kimi” gördüyünü demişdi.
Jennifer Meyer və Geoff Ogunlesi 2023-cü ildə münasibətə başlayıb, 2024-cü ilin avqustunda nişanlanıb və 2026-cı ildə qız övladı sahibi olublar.