Hollivud ulduzu George Clooney, onun həyat yoldaşı Amal Alamuddin Clooney və onların iki övladı Fransa vətəndaşlığı alıb.
Agence France-Pressein məlumatına görə, Corc Kluni Fransanın ailənin şəxsi həyatını media və paparassilərdən qoruyan qanunvericiliyini yüksək qiymətləndirib. Aktyor həmçinin Fransa mədəniyyətinə və dilinə bağlılığını ifadə edib.
Qeyd edək ki, 2021-ci ildə Corc Kluni və həyat yoldaşı Fransanın cənub-şərqində yerləşən Brinyol şəhərində üzüm bağı olan bir mülk satın alıblar.