Əncir mövsümünün ən dadlı salatı – Cəmi 15 dəqiqəyə hazırdır
Təzə əncir, mozzarella pendiri və reyhanla hazırlanan bu ləzzətli salat həm yüngül, həm də fərqli dadı ilə seçilir. Balzamik sousun xüsusi dad qatdığı bu resepti əncir mövsümü bitməmiş sınamağa dəyər.
Porsiya: 3–4 nəfərlik
Hazırlanma müddəti: 15 dəqiqə
Lazım olan ərzaqlar:
-
4–5 ədəd təzə əncir
-
125 qram mozzarella pendiri
-
10–12 ədəd təzə reyhan yarpağı
-
1 xörək qaşığı təmizlənmiş balqabaq tumu
-
8–9 ədəd qovrulmuş keşyu qozu
Sous üçün:
-
2 xörək qaşığı balzamik sirkə
-
3 xörək qaşığı təbii sızma zeytun yağı
-
1 desert qaşığı bal
-
Yarım çay qaşığı təzə üyüdülmüş qara istiot
-
Yarım çay qaşığı duz
Hazırlanma qaydası:
1. Əncirləri yuyub qurulayın və alma dilimləri formasında doğrayın. Mozzarella pendirini də eyni qaydada dilimləyin.
2. Əncir və pendir dilimlərini geniş, yastı boşqaba sərbəst şəkildə düzün.
3. Üzərinə təzə reyhan yarpaqlarını, balqabaq tumunu və qovrulmuş keşyu qozlarını səpin.
4. Sous üçün nəzərdə tutulan bütün ərzaqları kiçik bir qabda yaxşıca qarışdırın.
5. Hazırladığınız sousu salatın üzərinə gəzdirin.
Faydalı qeyd:
Balqabaq tumu və keşyu qozu əvəzinə fındıq, qoz ləpəsi və ya badamdan da istifadə edə bilərsiniz.