Qızılın qiyməti yenidən yanvarın sonundakı səviyyələrə qayıdıb. Bu barədə Nyu-Yorkun Comex ticarət meydançasının (CME Group-un bölməsi) məlumatlarında qeyd olunur.
Martın 2-də birja hərraclarında kotirovkalar troya unsiyası (31,1 qram) üçün 5410 dollara yaxınlaşıb və son bir ay yarımın maksimumunu yeniləyib.
Operativ məlumatlara əsasən, aprel fyuçersləri üzrə qızıl inamlı artım nümayiş etdirib. Bakı vaxtı ilə saat 03:42-yə olan vəziyyətə görə, müqavilənin dəyəri 3,02% artaraq 5406,59 dollara çatıb.