Rinqdə ilk zərbələr, ilk zəfərlər: Boksçularımızdan uğurlu start

Azərbaycanın iki boksçusu Monteneqronun Budva şəhərində keçirilən 19 yaşadək idmançılar arasında dünya çempionatına qələbə ilə başlayıb.

Turnirin ilk günündə rinqə çıxan Nihat Qasımov (55 kq) və Səfər Məmmədzadə (+90 kq) rəqiblərini məğlub ediblər.

Nihat Qasımov 1/32 finalda Qırğızıstan təmsilçisi Nursultan Duşonaliyevə 3:2 hesabı ilə qalib gəlib. O, oktyabrın 18-də növbəti döyüşünü kanadalı Arcanpal Hundala qarşı keçirəcək.

Səfər Məmmədzadə isə 1/8 finalda Kirill Jukovskini eyni hesabla məğlub edib. Azərbaycan boksçusu oktyabrın 23-də rusiyalı İvan Baybakovla üz-üzə gələcək.

Qeyd edək ki, dünya çempionatı oktyabrın 27-də başa çatacaq.

Denmedia.az