Keçmiş “Formula-1” pilotu, dördqat Paralimpiya çempionu italiyalı Aleks Dzanardi 60 yaşında vəfat edib.
Onun ölüm səbəbi açıqlanmayıb.
Dzanardi 1991–1994 və 1999-cu illərdə “Formula-1”də “Uilyams”, “Lotus” və “Cordan” komandalarının heyətində çıxış edib.
2001-ci ildə CART yarışlarında ağır qəza keçirən idmançının hər iki ayağı dizdən aşağı amputasiya olunmuşdu.
Buna baxmayaraq, o idman karyerasını davam etdirərək velosiped idmanına keçmişdi.
Sonradan Dzanardi Paralimpiya Oyunlarında böyük uğurlar qazanıb — 2012 və 2016-cı illərdə iki qızıl medal, həmçinin hər iki yarışda bir gümüş medal əldə edib.
O, iradəsi və qayıdışı ilə idman tarixində xüsusi yer tutan simalardan biri idi.