Müasir İran pilotsuz uçuş aparatları Yaxın Şərqdə ABŞ Silahlı Qüvvələri üçün əsas təhlükə olaraq qalır. Bunu ABŞ Silahlı Qüvvələrinin Mərkəzi Komandanlığının, yəni CENTCOM-un rəhbəri admiral Bred Kuper bildirib.
Admiral Senatın Silahlı Qüvvələr Komitəsində dinləmələr zamanı deyib:
Biz yüksək texnologiyalı pilotsuz uçuş aparatları tərəfindən artan təhlükə ilə üzləşirik.
CENTCOM rəhbəri izah edib ki, bu PUA-lar reaktiv mühərriklərlə təchiz olunub. Onlarda yüksək texnologiyalı sensorlar, radioelektron mübarizə vasitələri və radioelektron kəşfiyyat imkanları var.
Bununla yanaşı, Kuper bahalı hava hücumundan müdafiə vasitələrindən istifadə dövrünün geridə qaldığını bildirib.
O qeyd edib:
Son vaxtlar biz İrana hücum edərkən öz ucuz birtərəfli zərbə PUA-larımızdan istifadə edirik və onu daha güclü, daha bahalı silahlardan istifadə etməyə məcbur edirik.
Kuper əlavə edib:
Buna görə də əminliklə deyə bilərəm ki, biz xərclər balansında vəziyyəti xeyli dəyişmişik. Hələ görüləcək işlər var, amma bu istiqamətdə etdiklərimizdən razıyam.
O, detallara varmayıb.