Abşeron rayonunun Qobu qəsəbəsində kanalizasiya xəttində partlamamış əl qunbarası aşkar edilib.
Bu barədə Denmedia.az-a qəsəbə sakinləri məlumat veriblər.
Bildirilib ki, səhər saatlarında qəsəbənin drenaj-kanalizasiya xəttində açıq vəziyyətdə əl qumbarası tapılıb. Şübhəli əşyanı ərazidə yaşayan sakinlər aşkar edərək dərhal aidiyyəti qurumlara məlumat veriblər.
Hadisə yerinə hüquq-mühafizə orqanlarının əməkdaşları cəlb olunub. Əraziyə baxış keçirilib və təhlükəsizlik tədbirləri görülüb.
Faktla bağlı Abşeron Rayon Polis İdarəsi tərəfindən araşdırma aparılır.
Nizami Rəsulov
Denmedia.az