Braziliyanın mərkəzi hissəsində magistral yolda avtobusla yük avtomobilinin toqquşması nəticəsində ağır yol-nəqliyyat hadisəsi baş verib. Bu barədə G1 məlumat yayıb.
Qəza nəticəsində 11 nəfər ölüb, 46 nəfər isə xəsarət alıb. Bildirilir ki, 12 nəfərin, o cümlədən yük avtomobilinin sürücüsünün vəziyyəti kritikdir.
Hadisə ilə bağlı polis araşdırmaya başlayıb, qəzanın başvermə səbəbləri və bütün halları dəqiqləşdirilir.