Avropa ölkələri İran ətrafında mümkün hərbi əməliyyatlar zonasına yaxın ərazilərdə mövcudluğunu artırır.
Bu barədə Ermənistanda keçirilən Avropa Siyasi Birliyinin sammitində jurnalistlərə NATO-nun baş katibi Mark Rütte bildirib.
Onun sözlərinə görə, müttəfiqlər əvvəlcədən logistik və texniki dəstəyi yerləşdirir. Daha çox Avropa ölkəsi növbəti mərhələyə hazır olmaq üçün lazımi logistik və digər dəstəyi, o cümlədən minaaxtaran gəmiləri mümkün əməliyyat zonasına yaxın ərazilərdə yerləşdirir.
Rütte əlavə edib ki, Avropa Trampın mesajını anlayıb: ölkələr ABŞ ilə ikitərəfli razılaşmalar bağlayaraq bazalarda yerləşmə və logistika ilə bağlı tələbləri təmin edir. Bununla yanaşı, NATO baş katibi Donald Trampın Almaniyadan 5 min amerikalı hərbçinin çıxarılması qərarını məyusedici adlandırıb və bunu ABŞ-ın İran məsələsində Avropa müttəfiqlərinə münasibətinin göstəricisi kimi qiymətləndirib.