Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə Bakıda xüsusi qayğıya ehtiyacı olan uşaqlar üçün “Cırtdan” adlı meqa-şou təşkil olunub.
“Cırtdan: Zaman səyahəti” adlı səhnə əsəri Bakı Konqres Mərkəzinin səhnəsində təqdim edilib. İlk nümayişi 17 uşaq müəssisəsindən — uşaq evləri, internatlar və xüsusi məktəb-internatlardan olan 948 uşaq izləyib.
Tədbir çərçivəsində IDEA könüllüləri tərəfindən uşaqlara hədiyyələr təqdim olunub. Layihə uşaqların sosial inteqrasiyasına dəstək və onların asudə vaxtının mənalı təşkili məqsədi daşıyıb.