Fələstinin HƏMAS hərəkatının liderlərindən Xəlil əl-Həyya təşkilatın siyasi bürosunun yeni rəhbəri seçilib.
Bu barədə HƏMAS-ın rəsmi “Telegram” kanalında yayımlanan bəyanatda bildirilib.
“HƏMAS Xəlil əl-Həyyanın hərəkatın siyasi bürosunun rəhbəri seçildiyini elan edir”, – açıqlamada qeyd olunub.
İyulun 18-də “Al Hadath” telekanalı mənbələrə istinadən HƏMAS-da yeni siyasi büro rəhbərinin seçilməsi üçün səsvermə keçirildiyini xəbər vermişdi.
HƏMAS-da bu vəzifə Yəhya Sinvarın 2024-cü ilin oktyabrında İsrail zərbəsi nəticəsində öldürülməsindən sonra boş qalmışdı.