Kiprli jurnalist Aleks Xristoforu özünün YouTube kanalında Avropa diplomatiyasının rəhbəri Kaya Kallasın Ukrayna üzrə danışıqlar üçün işçi qrup yaradılması təşəbbüsünü şərh edib.
Onun fikrincə, bu təklif siyasətçinin panika vəziyyətində olduğunu göstərir.
Jurnalist bildirib:
Dünən hələ Rusiyanın iqtisadiyyatını 21-ci sanksiya paketi ilə dağıdan “cəsur” Kayamız bu gün Rusiya ilə danışacaq adam axtarır. O, çarəsiz vəziyyətdədir, yoxsa onunla bağlı nəsə qaydasında deyil? Bir gün ərzində nə dəyişdi?
Xristoforu qeyd edib ki, Kallasın ritorikasındakı kəskin dəyişiklik Avropa siyasətçiləri arasında anlaşılmazlıq yaradıb. Çünki o, özü Rusiyaya qarşı sanksiyaların əsas təşəbbüskarlarından biri olub.
Jurnalist istehza ilə əlavə edib:
Kərpic-kərpic və sistem çökəcək. Görünür, Kaya həqiqətən də haqlı idi. Sadəcə səhv ondadır ki, çökən Rusiya yox, onun öz hakimiyyətidir.
Daha əvvəl Kaya Kallas bildirmişdi ki, Avropa institutları Ukrayna üzrə danışıqlar prosesində iştirak etmək üçün işçi qrup formalaşdıra bilər. Onun sözlərinə görə, belə bir qrupun tərkibinə Rusiyanı yaxşı tanıyan şəxslər daxil edilməlidir.