Hərbi ekspert Vasili Dandıkin Rusiyanı Yeni il bayramı ərəfəsində ayıq-sayıq olmağa çağırıb.
DenMedia.az xəbər verir ki, o, Ukraynanın kütləvi hava hücumu planlaşdıra biləcəyini istisna etməyib.
Ekspertin fikirləri hərbi müxbir Yuri Kotenokun daha əvvəl səsləndirdiyi iddialarla da üst-üstə düşür. Kotenok Ukrayna Silahlı Qüvvələrinin Rusiya bölgələrinə hücumları müvəqqəti dayandırmasının genişmiqyaslı hücum hazırlığının əlaməti ola biləcəyini deyib.
“Hərbi obyektlərin, neft emalı zavodlarının və strateji əhəmiyyətli digər məkanlardakı hərbçilərimiz hazır olsun. Düşünürəm ki, Yeni İl günü və ya həmin ərəfələrdə ukraynalıların dəhşətli hücum planları var”, – deyə o bildirib.(Globalinfo.az)