Fransanın sabiq prezidenti Nikola Sarkozi, Parisdəki Sante həbsxanasında keçirdiyi 21 günün ardınca, 10 dekabrda “Məhbus gündəliyi” adlı yeni kitabını nəşr edəcəyini açıqlayıb.
X sosial şəbəkəsində o, kitabdan kiçik bir hissəni də paylaşıb.
“Həbsxanada baxmalı bir şey və məşğul olmalı heç nə yoxdur. Sükutu unuduram – Sante həbsxanasında sükut mövcud deyil, orada eşidiləcək çox şey var. Təəssüf ki, səs-küy fasiləsizdir. Amma səhrada həyat necə daxili dünyanı möhkəmləndirirsə, həbsxana da onu gücləndirir.”
Sarkozi əlavə edib ki, kitab artıq öncədən sifariş üçün açıqdır və 10 dekabrda mağazalarda olacaq.