Qəzza Səhiyyə Nazirliyi yeni rəqəmləri açıqlayıb. Məlumata görə, 2023-cü ilin oktyabrından bəri İsrail ordusunun hücumları nəticəsində ölənlərin ümumi sayı 69 513 nəfərə çatıb.
Nazirliyin yazılı bəyanatında bildirilib ki:
Son 48 saatda dağıntılar altından iki nəfərin cəsədi çıxarılıb, İsrail ordusunun son hücumlarında isə 5 nəfər həlak olub, 33 nəfər yaralanıb.
Qurum həmçinin vurğulayıb ki:
“Atəşkəs dövründə belə 280 nəfər öldürülüb, 672 nəfər yaralanıb, dağıntılar altından isə əlavə olaraq 571 nəfərin cəsədi çıxarılıb.”
Ümumi statistika belədir:
69 513 nəfər həlak olub
170 745 nəfər yaralanıb
Bəyanatda qeyd olunub ki, atəşkəsə baxmayaraq İsrail ordusu müxtəlif bəhanələrlə Qəzzada hücumlarını davam etdirir.